"ბინძური ადამიანი დადის სტეფანეს სახით ამ ორ ეპარქიაში", - ასე გამოეხმაურა განკვეთილი ბერმონაზონი დანიელი მეუფე სტეფანეს გადაწყვეტილებას მისი და კიდევ 7 სასულიერო პირის ეკლესიიდან სამუდამოდ განკვეთის შესახებ.
დანიელი ამბობს, რომ მას, როგორც ბერს იმ სიმძიმის დანაშაული არ ჩაუდენია, რომ ეკლესიიდან განკვეთა გამოეწვია.
"კანონმდებლობით დავხვდები, მე ჩემი იურისტები მყავს. ბერის განკვეთა არანაირად არ შეიძლება. მე არა მაქვს ისეთი დანაშაული. ამ შემთხვევაში კითხვები დავუსვი, ძალოვანმა სტრუქტურებმა მას ფაილები ამოუგდეს. რა შუაში ვარ მე, ვალდებული ვიყავი, როგორც ბერი დამესვა კითხვები. მას ბავშვთან აქვს ურთიერთობა, ბავშვების გამო მივედი სკოლაში რომ შევახსენო, არანაირი ზნეობრივი უფლება არა აქვს ბავშვებთან ითანამშრომლოს. მე მოვუწოდებ მარტვილის მოსახლეობას, მარტვილის სამღვდელოებას, ცაგერის სამღვდელოებას და მოსახლეობას იცოდნენ, რომ ბინძური ადამიანი დადის სტეფანეს სახით, ამ ორ ეპარქიაში",- განაცხადა განკვეთილმა ბერმონაზონმა დანიელმა.
