დაავადებათა კონტროლისა და საზოგადოებრივი ჯანმრთელობის ეროვნული ცენტრი სოციალურ ქსელში ინფორმაციას ავრცელებს.
NCDC-ის ცნობით, "სინოფარმით" ვაქცინაციისთვის კვირის ბოლომდე ამცრელი კაბინეტები დაემატება.
"დღეს, 4 მაისს, დაიწყო სინოფარმის ვაქცინით აცრის პროცესი.
სინოფარმით აცრისათვის რეგისტრაცია დაიწყო 27 აპრილს და თბილისში და ახლო მდებარე ქალაქებში ჯავშნები შეივსო იმავე დღეს.
სინოფარმის ვაქცინაციისთვის ამცრელი კაბინეტები დაემატება კვირის ბოლომდე.
სიახლეებს გაცნობებთ სოციალური ქსელის მეშვეობითაც. აცრისთვის ჯავშნის გასაკეთებლად ეწვიეთ booking.moh.gov.ge ან დარეკეთ ნომერზე 15 22", - აღნიშნულია ინფორმაციაში.
