ბათუმში, კორონავირუსით გარდაცვლილი ახალგაზრდა ქალის შესახებ აჭარის ჯანდაცვის სამინისტრო დამატებით ინფორმაციას ავრცელებს.
,,გურიის რეგიონში მცხოვრები 28 წლის ქალი, სასწრაფო სამედიცინო დახმარების ბრიგადამ საცხოვრებელი ბინიდან ბათუმის რესპუბლიკურ საავადმყოფოში 1 აპრილს შეიყვანა.
დიაგნოზი: COVID-19.
სამედიცინო დაწესებულებაში შეყვანისას პაციენტის მდგომარეობა კრიტიკულად მძიმე იყო. COVID-19-ის ფონზე პაციენტს განუვითარდა მძიმე პნევმონია, რასაც დაერთო სუნთქვის ფუნქციის დარღვევა. საჭირო გახდა აპარატული მხარდაჭერა. პაციენტი 7 აპრილს გარდაიცვალა", - აღნიშნულია უწყების მიერ გავრცელებულ ინფორმაციაში.