2 ნოემბერს მთელი საქართველოს მასშტაბით უამინდობა შენარჩუნდება. ნალექთან ერთად სინოპტიკოსები ტემპერატურის ვარდნას პროგნოზირებენ. გარემოს ეროვნული სააგენტოს ინფორმაციით, მაღალმთაში თოვლია მოსალოდნელი.
„დღეს საქართველოში ნარჩუნდება ცივი და ნალექიანი ამინდი: წვიმა, მაღალმთაში თოვლი, ზოგან ძლიერი. იქროლებს დასავლეთის მიმართულების ძლიერი ქარი, ზღვაზე შესაძლებელია 4-5 ბალიანი შტორმი.მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ - ღვარცოფული პროცესების ჩასახვა - გააქტიურება გამოიწვიოს.,“- აცხადებენ გარემოს ეროვნულ სააგენტოში.
საქართველოში უამინდობა კიდევ რამდენიმე დღეს გაგრძელდება.