30 აპრილის შემდეგ აჭარაში კორონავირუსით ინფიცირების ახალი შემთხვევა არ გამოვლენილა, - ამის შესახებ ინფორმაციას აჭარის ჯანდაცვის სამინისტრო ავრცელებს.
მათივე ინფორმაციით, დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში გასული 24 საათის განმავლობაში ჩატარებული 300-ზე მეტი ლაბორატორიული კვლევის შედეგი უარყოფითია. დღის ბოლომდე ჩატარდება არანაკლებ 27 ლაბორატორიული კვლევა.
სამინისტრო რეგიონში ეპიდსიტუაციის შესახებ მონაცემებს აქვეყნებს:
- ამჟამად კლინიკა „მედალფაში“ მკურნალობის კურსს გადის 19 ინფიცირებული პაციენტი.
- ჯამში აჭარაში კორონავირუსი დაამარცხა და კლინიკა დატოვა 36-მა პაციენტმა.
- აჭარაში კორონავირუსის პირველი შემთხვევა დადასტურდა 14 მარტს (იმპორტირებული). დღემდე რეგიონში ვირუსი დაუდგინდა 71 ადამიანს.
- აჭარაში კორონავირუსის შედეგად გარდაიცვალა 1 პაციენტი.
- დღეს არსებული მონაცემებით კარანტინში იმყოფება 1510 პირი.