ხაშმში წმინდა გიორგის სახელობის ეკლესიაში შეიჭრნენ. ამის შესახებ სოციალურ ქსელში საქართველოს საპატრიარქოს საზოგადოებასთან ურთიერთობის სამსახურის ხელმძღვანელი მამა ანდრია ჯაღმაიძე წერს.
„ხაშმში წმ. გიორგის სახელობის ეკლესიაში შეიჭრნენ, შეურაცხყვეს, დააზიანეს და გაიტაცეს ნივთები. დეტალებს, როგორც კი გავარკვევ, გავავრცელებ“, – დაწერა მამა ანდრიამ „ფეისბუქ“ გვერდზე.
