რუსთავში მომხდარი ავარიის შედეგად დაღუპული ელენე ბაშარულის ოჯახის წევრებს და მეგობრებს, რუსთავის ექვთიმე თაყაიშვილის სახელობის მე-16 საჯარო სკოლა უსამძიმრებს.
,,ვუსამძიმრებთ ოჯახს, მეგობრებს საოცრად თბილი, მოსიყვარულე, ღიმილიანი გოგონას გასვლას წუთისოფლიდან.
ვუსამძიმრებთ საზოგადოებას კიდევ ერთი შვილის დაკარგვას.
ელენე, გვიყვარხარ და უსაზღვროდ მოგვენატრები!
გვტკივა", - ნათქვამია სკოლის ,,ფეისბუქის" გვერდზე.
რუსთავში, გვიან ღამით მომხდარ ავარიას არასრულწლოვანი ემსხვერპლა.
როგორც Report.ge-ს მომხდართან დაკავშირებით, შსს-ში განუცხადეს, ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ითვალისწინებს, ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
