გალელმა ახალგაზრდებმა მთავრობის ადმინისტრაციის შენობასთან მდუმარე აქცია გამართეს.
სტუდენტებმა ადგილზე პლაკატები მიიტანეს წარწერით: ,,ენგური საზღვარი არ არის", ,,ჩვენ ვარსებობთ", ,,აფხაზეთში ჩემი ოჯახია", ,,საკუთარ ქვეყანაში გადაადგილება ჩვენი უფლებაა".
აქციის მონაწილეები ამ ფორმით ოკუპირებულ ტერიტორიაზე, სოფელ შამგონაში დატრიალებულ ტრაგედიას გამოეხმაურნენ რა დროსაც, მდინარე ენგურში ოთხი ადამიანი დაიღუპა.
გალელმა ახალგაზრდებმა ოკუპირებულ ტერიტორიებზე მცხოვრები მოქალაქეებისთვის 5-დღიანი კარანტინის გაუქმება მოითხოვეს.
