"ქართული ოცნების" ოფისთან სიტუაცია დაიძაბა. ერთმანეთს მოძრაობა "შეცვალეს" და "ქართული ოცნების" ახალგაზრდული ფრთის წევრები დაუპირისპირდნენ. სიტუაცია მას შემდეგ დაიძაბა, რაც "ქართული ოცნების" წევრმა, სამოქალაქო აქტივისტს შეაგინა. ამას კი ფიზიკური შეხლა -შემოხლა მოჰყვა. დაპირისპირებულების გაშველებას პოლიცია ცდილობს.
შეგახსენებთ, რომ "შეცვალეს" წევრები "ქართული ოცნების' ოფისთან აქციას მართავდნენ, რა დროსაც ადგილზე "ქართული ოცნების" ახალგაზრდული ორგანიზაციის წარმომადგენლები მივიდნენ. ისინი ამბობდნენ , რომ კონტრაქციას არ მართავენ და უბრალოდ შენობასთან ჩაიარეს.
