დაავადებათა კონტროლის ეროვნული ცენტრის ხელმძღვანელი კიდევ ერთხელ მოუწოდებს მოქალაქეებს დაიცვან რეკომენდაციები, რადგან ქვეყანა ინფექციის ფართო მასშტაბით გავრცელების ზღვარზე დგას. ამირან გამყრელიძის განცხადებით დაწყებულია შიდა გადაცემა.
"ბოლო სამი დღის განმავლობაში ჩვენ უკვე ორჯერ გვქონდა ე.წ ნახტომი, როდესაც 30-30 შემთხვევა გვქონდა. ეს უკვე ძალიან დამაფიქრებელია და საგანგაშო, რაც მიუთითებს იმას, რომ შიდა გავრცელება ქვეყანაში უკვე სერიოზულად იკიდებს ფეხს. ეს არის სწორედ განგაშის საფუძველი ფართომასშტაბიან ეპიდემიაში შესვლის",-განაცხადა ამირან გამყრელიძემ.
