ეკონომიკის მინისტრის, ნათია თურნავას თქმით, რეგიონებში ვაქცინაციის პროცესის მიმართ ფრთხილი დამოკიდებულება არსებობს, თუმცა სურვილის შემთხვევაში მსხვილ საწარმოებში ვაქცინაციის ცენტრი მოეწყობა.
"ზოგადად, რეგიონებში არსებობს ფრთხილი დამოკიდებულება ვაქცინაციის მიმართ. ვფიქრობთ, ერთობლივად გადავლახავთ ამას. ჩვენი მხრიდან მაქსიმალური ხელშეწყობა იქნება. ვაქცინები არის საკმარისი. განვიხილავთ მსხვილ საწარმოებში ადგილზე ვაქცინაციის ცენტრების მოწყობას, თუკი ამის მოთხოვნა იქნება. ისევ და ისევ უნდა იყოს თვითონ გაგება და თვითშეგნება ამ სიტუაციაში, საზოგადოების კონსოლიდაცია", - აღნიშნა თურნავამ.
