გარდაბნის მუნიციპალიტეტის სოფელი ყარაჯალარი გვიან ღამით გაიხსნა. სოფელში მოხსნილია ყველანაირი შეზღუდვა.
დასახლებაში რამდენიმე დღიანი გაფართოებული, განმეორებითი ტესტირება გუშინ დასრულდა. მუნიციპალიტეტის მერის, რამაზ ბუდაღაშვილის ინფორმაციით, PCR მეთოდით შემოწმდა 1500-მდე ადამიანი. აქედან მხოლოდ ორი იყო დადებითი. მისი თქმით, ამჯერად 120 ტესტის პასუხს ელოდებიან.
გარდაბნის მუნიციპალიტეტში სულ კორონავირუსის 71 დადასტურებული შემთხვევაა, აქედან 42 ყარაჯალარშია. გამოჯანმრთელებულია 10 პირი.