ონის მუნიციპალიტეტში მომხდარი ავტოსაგზაო შემთხვევის შედეგად 42 წლის კაცი გარდაიცვალა.
მძიმედ დაშავდა ოთხი პირი.
არსებული ინფორმაციით, მაღალი სიჩქარით მოძრავი მსუბუქი ავტომობილი, საპირისპიროდ მოძრავ ავტომობილს შეეჯახა.
დაშავებულები ონის საავადმყოფოში გადაიყვანეს, მათ პირველადი დახმარება ჩაუტარდათ, რის შემდეგაც ქუთაისში რეანომობილებით გადაიყვანეს.
ექიმის ინფორმაციით, მათი მდგომარეობა მძიმეა და მრავლობითი მოტეხილობები აღენიშნებათ.
როგორც Report.ge-ს შინაგან საქმეთა სამინისტროში განუცხადეს, მომხდარზე გამოძიება 276-ე მუხლის მე-6 ნაწილით მიმდინარეობს.
