თბილისში ერთ-ერთ გეოგრაფიულ ობიექტს ლეგენდარული ქართველი კომპოზიტორის, გია ყანჩელის სახელი მიენიჭება. თბილისის საკრებულოს განცხადებით, ობიექტის შერჩევის და სახელდების პროცედურები კომპოზიტორის ოჯახისა და დაინტერესებული მოქალაქეების აზრის გათვალისწინებით განახორციელებდა.
გია ყანჩელი 2 ოქტომბერს გარდაიცვალა. ის 84 წლის იყო.
კომპოზიტორს 5 ოქტომბერს დიდუბის პანთეონში დაკრძალავენ. პანაშვიდები 3 და 4 ოქტომბერს თბილისში, ტოლსტონოგოვის #6 გაიმართება. დაკრძალვის დღეს გამოსვენება რუსთაველის თეატრიდან დღის ორ საათზე იქნება.
ლეგენდარულ კომპოზიტორს არაერთი აღიარებული მუსიკა ეკუთვნის, რომელიც მან კინოსთვის და თეატრისთვის შექმნა. მას, ასევე, დაწერილი აქვს ორკესტრული, კამერული, საგუნდო და საოპერო ნამუშევრები.
თამთა კაპანაძე
ავტორი