გიორგი შაქარაშვილის საქმის ერთ-ერთი ფიგურანტი, რომელიც მაგისტრალზე დაპირისპირებას პირადად შეესწრო, დიჯეი კონსტანტინე ღიბრაძე აცხადებს, რომ სიცრუეა გავრცელებული ინფორმაცია იმის შესახებ, თითქოს შაქარაშვილი მიატოვეს.
“იმას ნუ გაავრცელებთ, რომ არ ვეძებდით და ვიღაცამ ვიღაცა მიატოვა. ვინც ვიყავით იქ, არავინ არ ფიქრობდა ვინმეს მიტოვებაზე ან რამე. ყველა ფიქრობდა თავს რომ ეშველა. ყველა არის გაქცეული და მერე ბრუნდებიან რომ ქათამაძე ნახონ. ვეძებეთ რამდენის საშუალებაც გვქონდა. საშიშროებიდან გამომდინარე ჩვენ იმ ადგილას არ გავჩერებულვართ და წამოვედით. არც ვიცოდით ვინ სად გაიქცა და ვინ როგორ გაიქცა. ჩვენ მაშინ ინფორმაცია არ გვქონია და იმ ტერიოტრიაზე ვეძებდით მანქანიდან”, – აცხადებს ღიბრაძე "ტვ პირველთან" ინტერვიუში.
