რუსთავში, მესხიშვილის ქუჩაზე 30 წლამდე ქალი და 3 წლის ბავშვი CO-თი მოიწამლნენ. დედა-შვილი სასწრაფო სამედიცინო დახმარების ბრიგადამ კლინიკა ,,რუსთავში" გადაიყვანა.
ექიმის განცხადებით, მათი მდგომარეობა სტაბილურია.
,,დედა-შვილია შემოყვანილი ნახშირჟანგის ტოქსიური ეფექტით, ჩაუტარდათ დეზინტოქსიკაციური მკურნალობა. მათ სიცოცხლეს საფრთხე არ ემუქრება", - განაცხადა ექიმმა გიორგი მოდებაძემ.
ფაქტზე გამოძიება დაიწყო.
