შინაგან საქმეთა მინისტრი, ვახტანგ გომელაური საქართველოში გაეროს მუდმივ წარმომადგენელს, საბინე მახლს შეხვდა.
შეხვედრაზე ვახტანგ გომელაურმა საპოლიციო საქმიანობის განხორციელებისას ადამიანის უფლებების დაცვის მნიშვნელობასა და ამ კუთხით სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტის გაფართოებულ კომპეტენციაზე ისაუბრა.
შინაგან საქმეთა მინისტრმა, ასევე, ყურადღება გაამახვილა საგანგებო სიტუაციების პრევენციის, მზადყოფნისა და მათზე სწრაფი რეაგირების მნიშვნელობაზე და ხაზი გაუსვა ამ მიმართულებით საგანგებო სიტუაციების მართვის სააგენტოს როლს.
შეხვედრის ფარგლებში, მხარეებმა ნაყოფიერი სამომავლო თანამშრომლობისთვის მზადყოფნა გამოთქვეს.
გვანცა ჭანტურია
ავტორი