ბათუმის ინფექციურ საავადმყოფოში, ვირუსისთვის დამახასიათებელი სიმპტომებით 6 პირია მოთავსებული, მათგან 5 პირი საკარანტინე სივრციდან გადაიყვანეს. გავრცელებული ინფორმაციით, 1 პირი სასტუმრო "ჰილტონიდან" შეიყვანეს, რომელიც უცხოელი პილოტია და ის მაღალი ტემპერატურით ბოქსირებულ განყოფილებაში იმყოფება.
ამ დროისთვის სასტუმრო დაკეტილია.
გარდა ამისა, ბათუმის ინფექციურ საავადმყოფოში, კორონავირუსით ინფიცირებული 3 ადამიანია მოთავსებული. ექიმების ინფორმაციით, მათი ჯანმრთელობის მდგომარეობა სტაბილურია.
ბოლო მონაცემებით, საქართველოში ახალი კორონავირუსით ინფიცირების 54 შემთხვევაა დადასტურებული. როგორც ირკვევა აქედან 8 უკვე გამოჯანმრთელებულია, მათგან 5 კლინიკიდან გაწერილია. კარანტინის რეჟიმში 3 320 პირი იმყოფება, ხოლო სტაციონარში, მეთვალყურეობის ქვეშ - 235.
ლევან ფანცხავა
ავტორი