იტალიაში რამდენიმე დღის წინ დაკარგული 42 წლის თემო მოსაშვილი იპოვეს. მისი ოჯახის წევრების თქმით, ის ერთ-ერთ საავადმყოფოში იმყოფება და მკურნალობის კურსს გადის.
,,ჩემი ძმა სხვა ქართველი ემიგრანტების დახმარებით დაგვიკავშირდა და გვითხრა, რომ ჯანმრთელობის გარკვეული პრობლემები აქვს. ამბობს, რომ როგორც კი შეძლებს საქართველოში დაბრუნდება. დეტალებს ოდნავ მოგვიანებით გავარკვევთ”- განაცხადა მოსაშვილის დამ რადიო "ჰერეთთან".
იტალიაში მყოფი ქართველი ემიგრანტი წარმოშობით ლაგოდეხიდანაა. ის ევროპულ ქვეყანაში საცხოვრებლად დაახლოებით ორი თვის წინ წავიდა.
