ინფექციური პათოლოგიის და შიდსის ცენტრის დირექტორმა თენგიზ ცერცვაძემ ეპიდემიოლოგიური ვითარების გაუარესების შესახებ კომენტარი გააკეთა. მისი განცხადებით, ჯანდაცვვის სისტემა სეზონური გრიპის შემთხვევების მატებასთან ერთად შედარებით მძიმე ზამთარს ელოდება.
თენგიზ ცერცვაზე მოსახლეობას ეპიდემიოლოგიური რეკომენდაციების დაცვისკენ მოუწოდებს.
"ყველაფერს აკეთებს ჯანდაცვის სისტემა იმისთვის, რომ ავადმყოფების კატასტროფულად გაზრდილ რაოდენობას გაუძლოს რაც შეილება ნაკლები დანაკარგებით.
თუ ადამიანებმა რადიკალურად არ შეცვალეს თავისი პოზიცია ვაქცინაციის მიმართ. ის, რაც საქართველოში ხდება არის დაუჯერებელი, ეს არის აბსურდის თეატრი. ახლა რომ ჩვენ გვყავდეს ვაქცინირებული მოსახლეობა, როგორც ყავს მთელ ევროპას და ამერიკას, ჩვენ გვეყოლება არა 40 გარდაცვლილი, არამედი 4 გარდაცვლილი. ნუთუ ამხელა ფაქტორს ჩვენი მოსახლეობა ანგარიშს არ გაუწევს?!", - განაცხადა თენგიზ ცერცვაძემ.
