კახეთში, ლაგოდეხის მუნიციპალიტეტში, ძლიერი წვიმის შედეგად მოვარდნილმა წყალმა, საცხოვრებელი სახლები დატბორა, გზის ნაწილი და ახლადაშენებული ხიდი კი დააზიანა.
სოფელ პატარა გორში მცხოვრებლები აცხადებენ, რომ ხიდის მშენებლობისათვის, მდინარის კალაპოტია შეცვლილი, თუმცა წვიმის შედეგად მოსულმა ნალექმა, კვლავ ძველ კალაპოტში გაიარა.
დატბორილია საცხოვრებელი სახლების პირველი სართულები, განადგურებულია ავეჯი და საყოფაცხოვრებო ტექნიკა.
