აზერბაიჯანში მყოფმა ქართველმა ჟურნალისტებმა და ბლოგერებმა განჯის შემდეგ აღდამის რეგიონის გათავისუფლებულ ტერიტორიები მოინახულეს.
ინფორმაციას საქართველოში აზერბაიჯანის რესპუბლიკის საელჩო ავრცელებს.
"საქართველოში აზერბაიჯანის რესპუბლიკის საელჩოსა და SOCAR– ის წარმომადგენლობის მხარდაჭერით, ქართველი ჟურნალისტების, ექსპერტებისა და ბლოგერებისგან შემდგარი დელეგაციის აზერბაიჯანის რესპუბლიკაში ვიზიტი დასრულდა.23 სექტემბერს სტუმრებმა ქალაქ აღდამის ნანგრევები მოინახულეს და მიყენებული ზარალი საკუთარი თვალით ნახეს, ასევე გაეცნენ კონსერვაცია-აღდგენით სამუშაოებს, რომელიც აზერბაიჯანის სახელმწიფოს მიერ ხორციელდება. სტუმრებმა მოინახულეს აღდამის პარასკევის მეჩეთი და გაეცნენ ტაძრის სავალალო მდგომარეობას , ასევე, მოინახულეს ქალაქის ცენტრალური ნაწილის სრულად განადგურებულ ხედი.ქართველმა ჟურნალისტებმა და ბლოგერებმა თქვეს, რომ აღდამში ვანდალიზმის შემზარავი სახე დაინახეს და გამოთქვეს რწმენა, რომ აზერბაიჯანის სახელმწიფო და მისი ხალხი მალე აყვავებულ ქალაქს ააშენებს," - ნათქვამია საელჩოს მიერ გავრცელებულ რელიზში.
