"კაცი, რომელიც ორი კვირა იმუქრებოდა ლიკვიდაციით და რაღაც ორგანიზებულ დანაშაულებრივი ჯგუფების შექმნით, არ მეგონა ახლა თუ ერთი ფრაზის გამო, ასეთ ისტერიკაში ჩავარდებოდა,"- ასე გამოეხმაურა Report.ge-სთან გიორგი შაქარაშვილის ბიძა, ბრალდებულ ზ.ს-ს მამის თამაზ ხომასურიძის განცხადებას, რომლის მიხედვითაც მას მინირიან ნიკოლაძე ემუქრება და ამის გამო სახელმწიფო დაცვის გამოყოფას ითხოვს.
მირიან ნიკოლაძის თქმით, ის ყველანაირად ჩართულია, რომ არავის მისამართით ადგილი არ ჰქონდეს ძალადობას.
" ძალადობამ მოგვიკლა ჩვენ ბავშვი და მე ძალადობის მომხრე როგორ ვიქნები. მისგან განსხვავებით, რომელიც ღიად ამბობდა რომ ჩემი ლიკვიდაცია იგეგმებოდა. ვერ ვიგებ მისი პანიკის არსს,"- განაცხადა მირიან ნიკოლაძემ.
