შუახევში, სოფელ დღვანში ერთ-ერთ საცხოვრებელ სახლში ხანძარი გაჩნდა. ცეცხლი ფუტკარაძეების საცხოვრებელ სახლს მოედო. როგორც report.ge-ს საგანგებო სიტუაციების მართვის სამსახურში განუცხადეს, მეხანძრეებმა ხანძრის სრული ლიკვიდაცია მოახერხეს. დამწვარია სახლის მეორე სართული.
შემთხვევის შედეგად არავინ დაშავებულა. ოჯახის წევრებმა სახლიდან გამოსვლა მოახერხეს.
ხანძრის გამომწვევი მიზეზები ამ დროისთვის უცნობია.
