თბილისის მეტროს პირველ ხაზზე მატარებლები სადგურის მოედნიდან ვარკეთილის მიმართულებით არ მოძრაობენ. მიზეზი ტექნიკური პრობლემებია, ამის შესახებ report.ge- ს თბილისის სატრანსპორტო კომპანიაში განუცხადეს.
მატარებლები პირველ ხაზზე მხოლოდ ზონალურად მოძრაობენ.
,,პირველ ხაზზე მატარებლები მოძრაობენ მხოლოდ ზონალურად, ახმეტელიდან სადგურის მოედნამდე, ხოლო სადგურიდან ვარკეთილის მიმართულებით დროებით შეჩერებულია მგზავრთა მიღება", - აცხადებენ სატრანსპორტო კომპანიაში.
როგორც report.ge-ს მგზავრებმა უთხრეს, ისინი მეტროსადგურ 300 არაგველზე მატარებლის დაძვრას დაახლოებით 20 წუთის განმავლობაში ელოდნენ, შემდეგ კი ვაგონი დააცლევინეს.
სატრანსპორტო კომპანიაში ამბობენ, რომ ტექნიკური პრობლემის აღმოსაფხვრელად ჯგუფი უკვე მუშაობს და სადგურიდან ვარკეთილამდე გადაადგილება უახლოეს დროში იქნება შესაძლებელი, რაც შეეხება მეტროს მეორე ხაზს, აქ მატარებლები შეუფერხებლად მოძრაობენ.
