თიანეთი-ახმეტის 28 კმ-იანი გზის რეაბილიტაცია მიმდინარეობს.
საავტომობილო გზების დეპარტამენტის ინფორმაციით, დაგეგმილია არსებულ გრუნტის გზაზე სრული რეაბილიტაცია და ასფალტ-ბეტონის საფარიანი გზის მოწყობა.
აშენდება 2 ახალი ხიდი და რეაბილიტირდება 1 არსებული ხიდი.
,,ამ დროისთვის, გზის საფუძვლის ქვედა ფენის, ფერდების დამუშავების და ასფალტ-ბეტონის საფარის მოწყობის სამუშაოები მიმდინარეობს
პროექტის განხორციელების შემდეგ, თიანეთი და ახმეტა, ნაცვლად არსებული დაზიანებული გზისა, სადაც გადაადგილება გართულებული იყო, განახლებული და კომფორტული გზით დაუკავშირდება ერთმანეთს", - აღნიშნულია უწყების მიერ გავრცელებულ ინფორმაციაში.
პროექტის ღირებულება 18 965 000 ლარია.
