ხობის მუნიციპალიტეტს ქარბორბალამ გადაუარა. სოფელ შავღელეში 12 საცხოვრებელ სახლს სახურავი აქვს გადახდილი. სტიქიის შედეგად მოქალაქეები თავშესაფრის გარეშე არიან დარჩენილები.
ხობის მერის მოვალეობის შემსრულებელი ადგილზე არსებულ მდგომარეობას პირადად გაეცნო. მისი თქმით, სოფლის ნაწილს ელექტროენერგია არ მიეწოდება, რის აღმოსაფხვრელადაც შესაბამისი სამუშაოები მიმდინარეობს. მახარე ჩოკორაიას თქმით, საგანგებო სიტუაციების სამსახურისა და "ენერგო პრო-ჯორჯიას" ჯგუფები ადგილზე მუშაობენ. ტერიტორია იწმინდება წაქცეული ხეებისგან. სტიქიისგან მიყენებულ ზარალს კომისია დაითვლის.
