ბოლნისში, ბოლო 24 საათში კორონავირუსი 15 პირს დაუდასტურდა, მათგან ერთი სასულიერო პირია. ქვემო ქართლში სახელმწიფო რწმუნებულის შოთა რეხვიაშვილის განცხადებით, ტაძარში, რომელშიც სასულიერო პირი მსახურობს წირვა მრევლის გარეშე აღევლიება, შესაბამისად ინფიცირებულ მამაოსთან მრევლს კონტაქტი არ ჰქონია.
რაც შეეხება დანარჩენ პაციენტებს, შემთხვევები უკავშირდება სასწრაფო სამედიცინო დახმარების ოჯახის წევრებს. . ასევე, სამედიცინო პერსონალის ინფიცირების ერთი დადასტურებული ფაქტია მარნეულში, რომელსაც 10 დღის წინ, ტესტირებით უარყოფითი შედეგი ჰქონდა.