ქუთაისი შობის ბრწყინვალე დღესასწაულისთვის ემზადება. DMO Imereti-ს ორგანიზებით, ქუთაისის ცენტრალურ ნაწილში შობის დადგომასთან დაკავშირებით საზეიმო ღონისძიება მიმდინარეობს, რომლის ფარგლებში სხვადასხვა შემსრულებლები თემატურ მუსიკალურ ნომრებს ასრულებენ. ასევე იმართება საშობაო ალილო. ამასთან, სტუმრებს ტრადიციული საშობაო მენიუთი გაუმასპინძლდებიან. ინიციატივას მიმდებარე ტერიტორიაზე არსებული კვების ობიექტები გამოეხმაურნენ, რომლებიც ადგილმდებარეობის მიხედვით ქალაქის ქუჩებში მოსეირნე ადამიანებს გაუმასპინძლდებიან და ამ ფორმით მიულოცავენ მათ შობის დადგომას. DMO Imereti აღნიშნულ ინიციატივას პირველად ახორციელებს და მას ტრადიციული სახე მიეცემა.
