ქუთაისის N2 ციხეში პატიმარი 34 დღეა შიმშილობს.
მისი უფლებადამცველის თქმით, პატიმარი 2 ოქტომბერს, ნარკოტიკების უკანონო შეძენა-შენახვის ბრალდებით დააკავეს, რომელიც პატიმარი წარდგენილ ბრალს არ ეთანხმება.
''ჩემი დაცვის ქვეშ მყოფი პირი დაკავების დღიდან შიმშილობს. ამბობს, რომ ის მანამდე გააგრძელებს პროტესტის ამ ფორმას ვიდრე მისით მაღალჩინოსნები არ დაინტერესდებიან", - ამბობს დაკავებულის ადვოკატი ილია ჯანელიძე.
ადვოკატის თქმით, პატიმრის ჯამრთელობის მდგომარეობა შიმშილობის გამო მძიმეა.
პატიმარს ბრალი წარდგენილი აქვს საქართველოს სისხლის სამართლის კოდექსის 260-ე მუხლით, რაც ნარკოტიკების უკანონოდ შეძენა-შენახვას გულისხმობს.
პატიმრის შიმშილობის ფაქტი report.ge-ის სპეციალურ პენიტენციურ სამსახურში დაუდასტურეს და განმარტეს, რომ საჭიროების შემთხვევაში, პატიმარი უზრუნველყოფილი იქნება შესაბამისი სამედიცინო მომსახურებით.
ირაკლი ვაჩიბერაძე
ავტორი