ქუთაისში, ავანგარდის დასახლებაში მდებარე მეტალურგიულ ქარხანაში ხანძარი გაჩნდა. გავრცელებული ინფორმაციით, ცეცხლი შენობის სახურავს გაუჩნდა.
როგორც Report.ge-ს საგანგებო სიტუაციების მართვის სამსახურში განუცხადეს, შემთხვევის შედეგად არავინ დაშავებულა.
უწყების ცნობით, ამ დროისათვის ხანძარი ლიკვიდირებულია, ადგილზე 6 სახანძრო-სამაშველო ბრიგადა მუშაობდა.
