იმერეთი, რაჭა-ლეჩხუმისა და ქვემო სვანეთის სამხარეო პოლიციასთან, სოფელ გუმათში მომხდარი ინციდენტის გამო დაკავებული მოქალაქეების ახლობლები არიან შეკრებილები.
აქციაზე შეკრებილები, გუმათში 6 პირის დაკავებას აპროტესტებენ და აცხადებენ, რომ აჭარიდან ჩასულ ახალგაზრდებს პროვოკაცია მოუწყვეს.
როგორც დაკავებული პირების ადვოკატი, დალი სულაქველიძე განმარტავს, დაკავებულებს ბრალი 225-ე მუხლის მეორე ნაწილით წარუდგინეს, რაც ძალადობას გულისხმობს. სულაქველიძის თქმით, მისი დაცვის ქვეშ მყოფი პირები, ბრალს არ აღიარებენ.
