18 წლის ახალგაზრდა კასპის მუნიციპალიტეტის სოფელ ქვემო გომში გარდაცვლილი იპოვეს. გავრცელებული ინფორმაციით, ის საქონლის სამწყემსად იყო წასული, რა დროსაც ხარი დაეჯახა და სიცოცხლისთვის შეუთავსებელი დაზიანებები მიაყენა.
თანასოფლელები ამბობენ, რომ ხარი მისივე გაზრდილი იყო და მას რქებზე გამობმული თოკით ასეირნებდა.
შსს-ში აცხადებენ, რომ გამოძიება სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
