საქართველოში მოქმედი რეგულაციების დარღვევის 1 434 ფაქტი გამოვლინდა.
პოლიციამ 128 პირი დააჯარიმა, რომლებმაც 21:00 საათიდან 05:00 საათამდე გადაადგილების დროებითი შეზღუდვის წესი დაარღვიეს.
გარდა ამისა, დაჯარიმდა 1 107 ფიზიკური პირი, რომლებმაც პირბადის ტარების წესი დაარღვიეს. იგივე წესის განმეორებით დარღვევის ფაქტზე 199 პირი დააჯარიმეს.
შინაგან საქმეთა სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები.
