IRI-ის მიერ საქართველოში ჩატარებული კვლევის შედეგებით ირკვევა, რომ გამოკითხულთა 82 % ყველაზე დიდ პოლიტიკურ საფრთხედ რუსეთს მიიჩნევს.
დასმულ კითხვაზე - „რომელ ქვეყანას მიიჩნევთ საქართველოს ყველაზე დიდ პოლიტიკურ/ეკონომიკურ პარტნიორად? რომელი ქვეყანა წარმოადგენს ყველაზე დიდ პოლიტიკურ/ეკონომიკურ საფრთხეს“, გამოკითხულთა 82 % ყველაზე დიდ პოლიტიკურ საფრთხედ რუსეთს მიიჩნევს, 65 %-ის აზრით კი, საქართველოს ყველაზე დიდი პოლიტიკური პარტნიორი შეერთებული შტატებია.
ასევე, მოქალაქეების 70%-ის აზრით, ყველაზე დიდ ეკონომიკურ საფრთხეს რუსეთი წარმოადგენს, გამოკითხულთა 51%-ი კი მიიჩნევს, რომ საქართველოს ყველაზე დიდი ეკონომიკური პარტნიორი შეერთებული შტატებია.
საერთაშორისო რესპუბლიკურმა ორგანიზაციამ (IRI) კვლევა 4 ივნისიდან 2 ივლისამდე ჩაატარა და სულ 1 500 ადამიანი გამოკითხა. კვლევის ცდომილება 2,5%-ია.
