„ლეიბორისტული პარტიის“ წევრი ლაშა ჩხარტიშვილი მის დაკავებაში მონაწილე პოლიციელებს უფლებამოსილების გადამეტებასა და მასზე ფიზიკურ ძალადობაში ადანაშაულებს. ლაშა ჩხარტიშვილი მათ დასჯას ითხოვს. შესაბამისი განაცხადი "ლეიბორისტული პარტიის" წევრმა პროკურატურაში შეიტანა.
"ჩემთან მიმართებაში პირდაპირ დევნას აქვს ადგილი. უკანონო დავალებისთვის პროკურატურისგან მოვითხოვთ, დაისაჯოს პარტიის მაღალჩინოსანი გოგა მემანიშვილი, ლაშა ყაველაშვილი, მერიის ეს უცნობი უსაფრთხოების თანამშრომელი, ასევე ყველა სხვა პირი, რომელმაც განახორციელა ჩემი უკანონო დაკავება, ფიზიკური ანგარიშსწორება და სხვა ყველა დარღვევა, მათ შორის, თავისუფლების შეზღუდვა“, – განაცხადა ლაშა ჩხარტიშვილმა.
