თბილისის ინფექციურ საავადმყოფოში COVID-19-ით დაავადებული 38 პაციენტი მკურნალობს. მათგან 6-ის მდგომარეობა მძიმეა, ხოლო ერთის კრიტიკული. ის 86 წლის ქალბატონია, რომელიც მართვით სუნთქვაზე იმყოფება. როგორც კლინიკის ბოქსირებული განყოფილების ხელმძღვანელმა მარინა ენდელაძემ განაცხადა, პაციენტების უმეტესობას პნევმონია აქვს. მისივე თქმით დაიძაბა სიტუაცია და მუშაობის სიმძიმემაც მოიმატა.
