საზღვაო ტრანსპორტის სააგენტო მეკობრეების მიერ ქართველი მეზღვაურის გატაცებას ადასტურებს. როგორც report.ge-ს საზღვაო ტრანსპორტის სააგენტოში განუცხადეს, საქართველოს მოქალაქის გამოსახსნელად და ქვეყანაში უსაფრთხოდ დაბრუნების მიზნით, ყველა შესაბამისი სახელმწიფო უწყება ჩართულია მოლაპარაკებების პროცესში.
შეგახსენებთ, რომ ბერძნული დროშის ქვეშ მცურავი გემი მეკობრეებმა ტოგოს რეპუბლიკაში გაიტაცეს. ბორტზე საქართველოს მოქალაქეც იმყოფება.
