„კულტურული მრავალფეროვნება - საქართველო და მექსიკა“ - ასე ჰქვია გამოფენას, რომელიც მექსიკაში, კოიოკანის ხელოვნების ეროვნულ მუზეუმში მოეწყო. მისი მიზანი საქართველოს შესახებ ინფორმაციის გავრცელებაა. ელჩმა, ზურაბ ერისთავმა გახსნისთვის მიძღვნილ კონფერენციაზე ქართული კულტურის შესახებ ისაუბრა. მან სტუმრებს ქვეყნის ძირითადი მახასიათებლების, ენის, დამწერლობისა და ლიტერატურის შესახებ უამბო. უპასუხა კითხვებს და საქრთველოს მზარდი ტურისტული პოტენციალიც გააცნო.
საპატიო სტუმრებმა მადლობა გადაუხადეს საქართველოს საელჩოს, მომხსენებლებს, მასპინძლებს და გამოფენა დაათვალიერეს.
