ბათუმის თეატრის მსახიობი ლაშა კუხიანიძე, რომელიც გუშინ დაიღუპა, გარდაცვალებამდე 3 დღით ადრე დაქორწინა. მან შაბათს ხელი მოაწერა და დროებით ნაქირავებ ბინაში გადავიდა.
მსახიობი ქორწინებიდან მესამე დღეს, ბათუმში საცხოვრებელი კორპუსის მეოცე სართულიდან გადავარდა.
სასწრაფო სამედიცინო დახმარების ჯგუფს ის ადგილზე მისვლისას გარდაცვლილი დახვდა.
როგორც შინაგან საქმეთა სამინისტროში report.ge-ს განუცხადეს, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
