ნეკრესის ეპარქიის მიტროპოლიტი სერგი კორონავირუსული ინფექციის გართულების გამო გარდაიცვალა. ამის შესახებ ინფორმაციას საქართველოს საპატრიარქო ადასტურებს.
რუის-ურბნისის ეპარქიამ სამძიმრის წერილი სოციალურ ქსელში დაწერა.
"ჩვენი ეპარქია მწუხარებას გამოთქვამს მიტროპოლიტ სერგის გარდაცვალების გამო და სამძიმარს უცხადებს ნეკრესის ეპარქიის სამღვდელო და სამონაზვნო დასსა და მრევლს, განსვენებული მღვდელმთავრის ოჯახის წევრებს, სულიერ შვილებსა და ახლობლებს.
უფალმა აცხოვნოს ახალშესვენებული ნეკრესელი მიტროპოლიტი სერგი და მისცეს მას საუკუნო ხსენება", - ნათქვამია რუის-ურბნისის ეპარქიის სამძიმარში.
