დაავადებათა კონტროლის ეროვნული ცენტრი სოციალურ ქსელში კორონავირუსის საწინააღმდეგო ვაქცინაციის შესახებ ინფორმაციას ავრცელებს.
NCDC-ის ცნობით, მითია მოსაზრება იმის შესახებ, რომ კოვიდგაადატანილ ადამიანებს ვაქცინაცია აღარ სჭირდებათ.
"COVID-19-ის დაავადების გადატანის მიუხედავად ვაქცინაციის ჩატარება აუცილებელია, ვინაიდან ამ ეტაპზე მეცნიერებისათვის უცნობია დაავადების გადატანიდან რა პერიოდით ნარჩუნდება ბუნებრივი იმუნიტეტი.
კოვიდგადატანილი ადამიანების აცრა რეკომენდებულია გამოჯანმრთელებიდან 4 თვეში.
აცრისთვის ჯავშნის გასაკეთებლად ეწვიეთ booking.moh.gov.ge ან დარეკეთ ნომერზე 1522.", - აღნიშნულია ინფორმაციაში.