შინაგან საქმეთა სამინისტრომ მთაწმინდაზე დაკარგული ტურისტის სამძებრო სამუშაოების შესახებ განცხადება გაავრცელა. უწყებაში აცხადებენ, რომ გამოძიება დაიწყო.
"ამ დროისთვის აქტიური საგამოძიებო მოქმედებები მიმდინარეობს, გამოძიება კი სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს", - აცხადებენ შსს-ში.
საგანგებო სიტუაციების სამსახურში აცხადებენ, ამ ეტაპისთვის სამძებრო სამუშაოებში 100-მდე მეხანძრე-მაშველი არის ჩართული.