საქართველოს მთავრობის ადმინისტრაციასთან აქცია სახელწოდებით "სოცაფეთქება" დაიწყო. არასამთავრობო ორგანიზაციებისა და სამოქალაქო აქტივისტების მიერ ორგანიზებული დემონსტრაცია რამდენიმე მოთხოვნას აყენებს. ესენია:
- ზამთრის კურორტებზე დაწესებული შეზღუდვების მოხსნის მოთხოვნა;
- სასწავლო პროცესის საკლასო ოთახებში გაგრძელების მოთხოვნა;
- ყველა შშმ პირს მიეცეს თავისუფლად გადაადგილების საშუალება და მოიხსნას, საჭიროების მიხედვით, ყველა შეზღუდვა;
- საზოგადოებრივი და საქალაქთაშორისო ტრანსპორტის მუშაობის შეზღუდვის მოხსნა;
- სახელოვნებო სივრცეების ფუნქციონირების აღდგენის მოთხოვნა;
- კომენდანტის საათის შემსუბუქების მოთხოვნა და ა.შ.
პროტესტს შეუერთდნენ პოლიტიკური პარტიებიც.