სოციალურ ქსელში ტელეკომპანია “ვარსკვლავები“ ვიდეოს ავრცელებს, რომელიც ტაძარში, მომღერალ ზურა დოიჯაშვილის სამძიმრის დროს არის გადაღებული. ვიდეოში ჩანს რუხი ფერის მტრედი, მომღერლის განსასვენებელ სასახლეს უვლის გარს. ფრინველი სასახლის გარშემო მოძრაობს და ადამიანებს შორის ისე დადის, რომ მათი იქ ყოფნა და მოძრაობა არ აშინებს.
მომღერალი ზურაბ დოიჯაშვილი მძიმე ავადმყოფობისა და ხანგრძლივი მკურნალობის შემდეგ, 14 თებერვალს გარდაიცვალა. ის საქართველოში 22 თებერვალს ჩამოასვენეს. მომღერალი 25 თებერვალს დაკრძალეს.
ის ბინის დაკარგვის შემდეგ ისრაელში, ემიგრაციაში წავიდა. ბოლო დროს მომღერალი მძიმე დაავადებას ებრძოდა.
გასული წლის დეკემბერში დიდი საკონცერტო დარბაზის წინ ზურა დოიჯაშვილის სახელობის ვარსკვლავი გაიხსნა.
