"რიონის ხეობის მცველები" "ნამახვანჰესის" მშენებლობის შეჩერების მოთხოვნით საპროტესტო აქციას მართავენ.
აქციის მონაწილეები ხეობაში შესვლის ნებართვას ითხოვდნენ, რაზეც სამართალდამცველებმა უარი უთხრეს. ამის შემდეგ აქციის მონაწილეებმა გეგმა შეცვალეს და კომპანია "ენკას" ოფისისკენ საპროტესტო მსვლელობა მოაწყვეს.
როგორც "რიონის ხეობის მცველმა" ვარლამ გოლეთიანმა განაცხადა, კომპანია "ენკას" ოფისთან საავტომობილო გზას გადაკეტავენ და მოთხოვნებს გააჟღერებენ.
