ცნობილი საოპერო მომღერალი, ნინო სურგულაძე და მისი მეუღლე, გიორგი ინწკირველი ტყუპს ელოდებიან.
მეცოსოპრანო ორსულობის მერვე თვეს ასრულებს. ფეხმძიმობის პერიოდს ის თბილისში ატარებს.
ნინო სურგულაძეს ბოლო კონცერტი მონტე კარლოში ჰქონდა, როდესაც ხუთი თვის ფეხმძიმე იყო. შემდეგ, 24 აპრილამდე, დაგეგმილი ჰქონდა რამდენიმე პროექტი, მათ შორის, გამოსვლა ჩინეთის დედაქალაქში, თუმცა პროექტის ხელმძღვანელმა, კორონავირუსის პანდემიის გამო, დაგეგმილი ღონისძიება გააუქმა და ნინოც ჩინეთში აღარ გაემგზავრა.
მომღერლის რჩეული იურისტი გიორგი ინწკირველია. ის ცნობილი იურისტისა და მეცნიერის, თბილისის სახელმწიფო უნივერსიტეტის იურიდიული ფაკულტეტის დეკანის გივი ინწკირველის შვილიშვილია.