"ნინოწმინდის ბავშვებისთვის" - ამ სახელწოდების აქცია გაიმართა მთავრობის ადმინისტრაციასთან.
აქციის მონაწილეები ბავშვთა პანსიონში სახალხო დამცველის შეუფერხებელ ვიზიტს ითხოვდნენ.
ასევე, მათი ერთ-ერთი მოთხოვნა, დიდი ზომის ბავშვთა პანსიონატების დახურვაა. აქციის მონაწილეებმა განაცხადეს, რომ ხელისუფლებამ მოზარდების ოჯახურ გარემოში დაბრუნებას ხელი უნდა შეუწყოს.
აქციაზე "ქალთა მოძრაობის", მოძრაობა "სირცხვილიას", Tbilisi Pride-ის, ფონდ "ფემინასა" და "დროას" წევრები იმყოფებოდნენ.
აქციის მიმდინარეობისას მოძრაობა "დროას" წევრებს მოქალაქეების გარკვეული ჯგუფი დაუპირისპირდა, მათი თქმით, აქციის მონაწილეები გარყვნილების პროპაგანდას ეწევიან.
დაპირისპირებისას პოლიციამ აქციის ორი მონაწილე ტერიტორიას განარიდა.
