ნიუ-იორკში მიხეილ სააკაშვილის მხარდამჭერი აქცია გაიმართა. ადგილობრივი ემიგრანტები შეიკრიბნენ და საქართველოს მესამე პრეზიდენტის გათავისუფლება მოითხოვეს.
"ფუნდამენტი გვეცლება და მალე ჩამოგვენგრევა სახელმწიფო. ამიტომ, მდუმარე აქციები კი არა, ძალიან ხმამაღალი აქციები უნდა ვატაროთ, რაც შეგვიძლია ყველას", - განაცხადა აქციის მონაწილემ.
საქართველოს მესამე პრეზიდენტი 1-ელ ოქტომბერს დააკავეს. მას 6 წლამდე პატიმრობა აქვს მისჯილი.
