ნორვეგიის ციხეში ქართველ პატიმარს კორონავირუსი დაუდასტურდა.ინფორმაცია ამის შესახებ report.ge- ს საგარეო საქმეთა სამინისტროში დაუდასტურეს. უწყების ცნობით, პატიმრის მოთხოვნის საფუძველზე, ეცნობება შესაბამის საკონსულო დაწესებულებას პატიმრის საჭიროებების შესახებ ან/და უზრუნველყოფილია პატიმრის დაკავშირება მისი ქვეყნის საკონსულო დაწესებულებასთან.
საგარეო საქმეთა სამინისტროს ინფორმაციით დიპლომატიური წარმომადგენლობები და საკონსულო დაწესებულებები, სისტემატურად აწარმოებენ საპატიმროებში მყოფი საქართველოს მოქალაქეების მდგომარეობის მონიტორინგს.
ამ დროისთვის სხვა პატიმრის ინფიცირების არც ერთი შემთხვევა არ ფიქსირდება.
